خطوات انشاء حمامات السباحة وطريقة تركيب الاجهزة والمعدات

انواع حمامات السباحة

• الأوفر فلو  Over flow

https://professional-pools.net/projects/

• والاسكيمر Skimmer

https://professional-pools.net/projects/

خطوات تنفيذ حمام السباحة

يجب اثناء اختيار حمام السباحة لازم نعرف انه فيه نوعين من حمامات السباحة

تختلف فيما بينها من حيث منسوب وشكل المياة فى الحمام وطريقة سحب المياة الفائضة

النوع الأول – سكيمر skimmer

وبيكون فيه منسوب المياة أقل من حافة الحمام

وهو الشائع لسهولة تنفيذه وتكلفته أقل ومنسوب المياة مرتبط بمنسوب جهاز الاسكيمر

حيث ان منسوب مياة الحمام بيكون فى منتصف الاسكيمر تماما

الاسكيمر بيتثبت فى جدار حمام السباحة

ماسورة الصرف المتصلة بالاسكيمر بتصل لغرفة الماكينات لتدخل على فلتر الترشيح

حنشرح الكلام ده بعدين

الاسكيمر مسؤل عن تصريف المياة الزائدة وبالتالى تحديد منسوب المياة فى حمام السباحة

مسؤول عن حجز الشوائب ذات الحجم الكبير من اوراق الشجر وأكياس البلاستيك وما شابهها عن طريق صفاية بداخله

ومهم جدا انك تعرف إن عمق الحمام فى النوع ده بيتحسب من نص الاسكيمر حتى منسوب الارضية

النوع التانى – اوفر فلو overflow

النوع ده منسوب مياة الحمام بتصل لحافته وبتنساب من الحافة لمجرى محيطة بالحمام وبتكون فى نفس منسوب الارضية حول الحمام

المجرى معمولة من نفس خرسانة الحمام حواليه بتنزل فيها المياة الزايدة لتصل لخزان الموازنة

المجرى دى بينزل فيها المياة الزايدة لتصل لخزان الموازنة ليتم ترشيحها واعادتها مرة اخرى داخل الحمام

والنوع ده مكلف لوجود المجرى حواليه

وبيحتاج خزان موازنة زى ما حنعرف بعدين

________________________________

منسوب حمام السباحة

مراعات تصميم حمام السباحة وعمل جانب بعمق مناسب للاطفال

والجانب الآخر بعمق 1.60 إلى 1.80متر وبيكون فيه ميل فى الارضية

ويفضل وضع يافطة عند كل عمق وعند بداية الميل

ولازم تكون الارضية حول حمام السباحة لها ميول بسيط 0.5 سم فى المتر

ويكون اتجاة الميول عكس اتجاه الحمام على صفايات صرف

حتى لاتسقط مياة الارضية المتسخة فى الحمام وتعمل لود على الفلتر

ولازم تكون الارضية غير زلجة من مواد شبه خشنة حتى لاينزلق المستحمين

__________________________

حساب عمق حفر حمام السباحة

نفترض قطاع الحمام باللوحة الهندسية

نحسب ارتفاع الحمام

وسمك لبشة الارضية

وسمك الخرسانة العادية

اجمالى الارتفاع 2.50 متر

نعمل حساب تشطيب السيراميك لظهر جدار حمام السباحة 5سم

يبقى اجمالى الارتفاع 2.55 متر

الأول نحدد بعلامة (شيرب) منسوب تشطيب الارضية حول حمام السباحة

ومن العلامة دى نستلم عمق الحفر المطلوب إللى هو -2.55

لاحظ أنه تم حساب عمق الحفر لأكبر عمق موجود باللوحة الهندسية

________________________________

حساب طول وعرض الحفر

عرض الحمام من الداخل (النضيف) 6.00 متر

وطول الحمام من الداخل 12.00 متر

لتسهيل التنفيذ بيتم بناء حوائط من الطوب حوالين حيز الحمام مع حساب سمك جدران الحمام الخرسانية

بمعنى مقاس الحمام الداخلى 12×6

نفترض سمك خرسانة الجدار 20 سم

فيكون مقاس الحمام من الخارج

12.40 × 6.40

هذا المقاس هو مقاس المبانى من الداخل

وبالتالى حيكون مقاس المبانى من الخارج

12.80 × 6.80 متر

على افتراض أن سمك الطوبة 20 سم

وبالتالى حيكون مقاس خرسانة النضافة بكامل حيز الحمام

12.80 × 6.80 متر

فحيكون مقاس الخرسانة العادية فى هذه الحالة

13.20 × 7.20 متر

وقبل صب خرسانة النظافة يتم دك التربة جيدا حتى لاتهبط مستقبلا محدثة شرخ فى خرسانة الحمام

________________________________

مبانى حمام السباحة

المبانى وظيفتها انها بديل عن نجارة لسند الخرسانة من الخارج

بيتم تحديد مقاسات حمام السباحة

https://www.facebook.com/photo?fbid=986586726802653&set=pcb.986587086802617

يراعى التأكد من زوايا الحمام ان تكون قائمة تماما حتى لايحدث انحراف عند تركيب سيراميك الارضية

وان تكون المبانى من الطوب الاسمنتى المصمت وليس الطوب الأحمر لأنه شره للماء

يجب عمل أكتاف مبانى ل لتدعيم المبانى من الخارج

وان تكون مونة المبانى شديدة لاتقل عن 7شكاير أسمنت على متر مكعب رمل

وان يكون ضهر المبانى للحوائط أفقية تماما

حنراعى ده فى المبانى وعند صب خرسانة الحوائط

وعند تركيب السيراميك للحوائط

لان مياة الحمام بتكون أفقية تمام وحتكشف اى ميل فى أفقية ضهر حوائط الحمام

وان يتم الردم حول المبانى من الخارج تباعا أثناء البناء حتى يكون الردم دعامة وساند للمبانى أثناء صب خرسانة الحوائط

وان يتم رش المبانى لتكون رطبة لمدة 3 أيام على الأقل

 بياض ( محارة ) السطح الداخلى للمبانى

يجب عزل السطح الداخلى للمبانى مع أرضية الخرسانة وتغطية عزل الارضية بطبقة مونة حماية حتى لايتأثر العزل اثناء النجارة والحدادة

ملحوظة مهمة جدا

يفضل تركيب الاسكيمرقبل العزل لو كان نوع الحمام اسكيمر

لان بعض انواع الاسكيمر سمكها اكبر من سمك خرسانة حائط الحمام وبتحتاج تدخل قليلا فى المبانى

________________________________

تسليح أرضية وحوائط حمام السباحة

بيتم أولا رص حديد الارضية وبتكون غالبا لبشة بإرتفاع معين طبقا للتصميم الانشائ ومن شبكتين حديد بينهم كراسى حديد

وبنراعى رفع حديد اللبشة عن الارضية لتحقيق غطاء خرسانى لا يقل عن ٥سم

ويراعى الاتى:

الحديد الرأسى بيكون بزاوية وصل مع حديد الارضية بطول لا يقل عن متر

ونثنى نهايات الاسياخ الرأسية بزاوية صغيرة بسمك الحائط

ودة بيتم عن طريق الحديد الافقى ( البراندات )

وده بيتم بكذا طريقة

________________________________

صب خرسانة حمام السباحة

بيتم صب الارضية ( اللبشة ) أولا

يجب تقوية النجارة للحوائط وصبها

https://www.facebook.com/photo/?fbid=986586996802626&set=pcb.986587086802617

____________________________

تمديدات السباكة لحمام السباحة

مواسير PVC

بقطر 1.5 بوصة لمداخل المياة والمكنسة

و 2 بوصة للاسكيمر وصرف الارضية

وسباكة حمام السباحة بتتكون من :

أجهزة رئيسية

(1) الاسكيمر

(2) المداخل ( وحدات دفع المياة للحمام )

(3) المكنسة

(4) صفاية صرف الارضية

أجهزة إضافية يمكن الاستعانة بها مثل

•  نوافير
•  شلال
•  ألعاب
• جاكوزي

وبيتم مراعاة الاتى:

خروج المواسير من حائط الحمام بيتم عن طريق

وضع قطع من المواسير ( عددهم حوالى 7 ) على حسب مساحة حمام السباحة

طول كل منها حوالى 70سم

بيتم تثبيتها اثناء مرحلة المبانى

ويراعى عند توزيع الاجهزة

إن أى مقاس منسوب للاجهزة بيتم قياسه من منسوب المياة اى من منتصف الاسكيمر فى حالة نوع الحمام اسكيمر

وفى حالة حمام السباحة من نوع الأوفر فلو بيتم القياس من حافة الحمام العلوية لأنها نفس منسوب المياة

________________________________

مواصفات تركيب جهاز الاسكيمر

يراعى أن يكون الاسكيمر فى الجهة المقابلة للدفاعات

يفضل ألا يقل عدد الاسكيمر عن 2

ويراعى ان يكون حافة الاسكيمر أفقية تمام

ماسورة صرف الاسكيمر 2بوصة

لاحظ مقاس بروز بيتم تثبيته بحيث يكون وجهه بارز عن خرسانة الحائط ب٥ سم قيمة سمك مونة لصق السيراميك وسمك السيراميكه نفسها بالاضافة لخلوص تسوية لو الخرسانة غير مستوية

________________________________

مواصفات تركيب المداخل

نوعين

فيه منها بتركب على الجدران

Wall inlets

يفضل فى الجانب الطويل المقابل للاسكيمر

وان تكون المياة الخارجة من الدفاعات فى نفس اتجاه الرياح السائدة

لتعمل المياة بمساعدة الرياح على دفع الشوائب للاسكيمر

ومهم جدا

أن تكون على مسافة حوالى 20 سم يتم قياسها من منتصف الاسكيمر (منسوب مياة الحمام ) حتى تساعد على دفع الشوائب العالقة بالسطح

وفيه نوع مداخل بيركب فى أرضية الحمام Floor inlets

والمداخل الارضية يفضل ألا يزيد المسافة بينها عن 5 متر فى المحور الطويل

و4.5 فى المحور العرضى

وعموما عدد المداخل مرتبط بمساحة الحمام

كل 25 متر مسطح او كل 45 متر مكعب من الحمام يحتاج عدد 1 مدخل ويفضل ان لايقل العدد عن عدد 2 فى الحمام

لاحظ ان المخرج ماسورة أفقية

على عكس مخرج الاسكيمر

________________________________

مواصفات تركيب مخرج المكنسة

لسهولة الوصول إليه وتركيب الخرطوم

يفضل يكون فى منتصف الجانب الطويل للحمام

حتى يصل خرطوم المكنسة لكل منطقة بأرضية الحمام

________________________________

موصفات تركيب مخرج صرف الارضية

يفضل يكون مخرج الصفاية قريب من تجميعة مخرج المواسير

حتى لاتستمر ماسورة الصفاية بطول أرضية الحمام

لانه غير التوفير فى المواسير بنخاف على الماسورة من الكسر

وبالتالى بنراعى فى تصميم الحمام ان يكون المنطقة العميقة بجوار مخرج المواسير وبجوار غرفة المعدات

سمك 2 بوصة وبيكون فى اوطى نقطة فى أرضية الحمام

ويفضل وجود مخرجين للصرف في الحمامات الأوليمبية و الترفيهية المسافة بينهم من 2 إلى 3 متر

الماسورة الرأسية للمخرج يفضل تكون بطول مناسب لتكون أعلى منسوب صب خرسانة الارضية ويتم قص الزيادة عند تركيب الصفاية

________________________________

خزان الموازنه

فى حمام الأوفر فلو بيكون محتاج لخزان موازنة بجوار الحمام وحجم الخزان بيكون 1/10 (عُشر) حجم الحمام

بمعنى لو حجم الحمام 5×10×1.40 يساوى 56 متر مكعب

يبقى هنحتاج خزان حجمه حوالى 6متر مكعب اى بمقاس 2×2×1.50 يساوى 6 متر مكعب

________________________________

غرفة الماكينات

ممكن تكون تحت الأرض!

وفى الحالة دى مهم عمل بيارة في ارضيتها جزء ساقط لتجميع المياة التى قد تنتج من تسريب المواسير

او من مياة الأمطار مرتبطه بمضخة صغيرة لشفط مياة الارضية المتجمعة.

او فوق الارض وبتكون بمقاس يتسع لحجم الفلتر المناسب لحجم الحمام

المضخة تسحب المياة الغير نقية الواردة من الحمام وتدفعها للفلترثم للحمام مرة اخرى

الفلتر وظيفته ترشيح المياة فقط من الشوائب والأتربة العالقة

الفلتر غير مسؤل عن تعقيم وتطهير المياة ضد البكتريا والطحالب

________________________________

توصيلات سباكة غرفة الماكينات

بيتم إدخال كل المواسير الخاصة بأجهزة الاسكيمر والمكنسة وصرف الارضية والدفاعات لغرفة الماكينات

(المضخة لها مدخل ومخرج)

ونصل مخرج المضخة بمدخل جهاز الفلتر

والفلتر له مخرجين مخرج

واحد يتوصل بماسورة الدفاعات

والمخرج التانى يصل للصرف الصحى مباشرة فى حالة الاحتياج لتفضية مياة الحمام

وماسورة التغذية الرئيسية للمياة

(لملو حمام السباحة )